Her ddarllen hwyliog sy’n sbarduno darllen er pleser i blant oed cynradd Cymru
Beth yw Gornest Lyfrau?
Cystadleuaeth flynyddol sydd yn annog darllenwyr ifanc Blynyddoedd 3–6 i ddarllen er pleser. Mae Gornest Lyfrau yn annog dysgwyr i drafod y llyfrau maen nhw’n eu darllen a pharatoi fideo creadigol, fel grŵp neu ddosbarth, yn seiliedig ar un o’r llyfrau sydd ar y rhestr ddarllen.
Mae Gornest Lyfrau yn agored i ysgolion cyfrwng Cymraeg, trawsieithol a chyfrwng Saesneg (BookSlam) ac yn addas i Flynyddoedd 3–6, fel dosbarthiadau cyfan neu grwpiau darllen.
Manteision Allweddol
Mae’n her ddarllen hwyliog sy’n:
- annog plant i wirioni ar ddarllen a mwynhau llyfrau da
- meithrin agweddau cadarnhaol a hirdymor tuag at ddarllen
- cefnogi datblygiad llythrennedd emosiynol a meithrin sgiliau trafod, cyfathrebu a dadansoddi
- cyd-fynd â gofynion y Cwricwlwm trwy gynnig amrywiaeth o weithgareddau i unigolion a grwpiau ar draws y Meysydd Dysgu a Phrofiad
- hyrwyddo a chodi ymwybyddiaeth o lyfrau, awduron a darlunwyr
- dathlu safon eithriadol ym maes llenyddiaeth plant
Sut mae’n gweithio?
Bydd angen i ysgolion ddewis un llyfr o’r rhestr i’w drafod ac un arall i’w gyflwyno fel hysbyseb. Cynhelir rownd sirol dan ofal y trefnwyr sirol, a bydd yr enillwyr sirol yn mynd ymlaen i’r rownd genedlaethol yn nhymor yr haf.
Bydd yr ysgolion buddugol yn ennill tlws arbennig ynghyd ag un o’r gwobrau canlynol;
- Gwobr 1af – gwerth £200 o lyfrau
- 2ail wobr – gwerth £150 o lyfrau
- 3edd wobr – gwerth £100 o lyfrau
Mae mwy o wybodaeth am y rowndiau sirol a chenedlaethol yn ein Canllaw Gornest Lyfrau, sydd ar gael i ysgolion trwy gysylltu â ni’n uniongyrchol neu’r trefnwyr sirol.
Rhestrau Llyfrau
Blynyddoedd 3–6 ysgolion Cymraeg
Enwogion o Fri: Wallace – Bywyd Chwilfrydig Alfred Russel Wallace
Awdur: Aneirin Karadog
Darlunydd: Alyn Smith Gwasg: Broga
Mira a’r Trip Ysgol
Awdur: Luned Aaron
Gwasg: Atebol
Nadolig y Gath yn Sain Ffagan
Awdur: Myrddin Ap Dafydd
Gwasg: Gwasg Carreg Gwalch
Dreigio: 2. Cara a Sleifarian
Awdur: Alastair Chisholm, addasiad gan Llŷr Titus
Gwasg: Rily
Cymry o Fri
Awdur: Jon Gower
Gwasg: Y Lolfa
Manawydan Jones: Y Pair Dadeni
Awdur: Alun Davies
Gwasg: Y Lolfa
Blynyddoedd 3-6 ysgolion Trawsieithol
Cyfres Ned y Morwr: Moi a’r Siarc
Awdur: Haf Llewelyn
Darlunydd: Valériane Leblond
Gwasg: Y Lolfa
Ddim Yma! Ddim Yma!
Awdur: Mari Tudor
Gwasg: Atebol
Cyfres Celt y Ci: Glain y Gath
Awdur: Rhiannon Wyn Salisbury
Darlunydd: Elin Vaughan Crowley
Mae Twm Gartref
Awdur: Emma Bettridge
Addaswyd/Cyfieithwyd gan Anwen Pierce
Gwasg: Graffeg
Pa adnoddau fydd ysgolion yn eu cael?
Mae Canllaw a Phecyn Gweithgareddau ar gael i ysgolion trwy gysylltu â ni’n uniongyrchol plant@llyfrau.cymru neu’r trefnwyr sirol.
Cofrestrwch i’r gystadleuaeth Gornest Lyfrau
Gall ysgolion gofrestru gyda’u trefnydd lleol erbyn 19 Ionawr 2024.
Os hoffech ragor o wybodaeth cysylltwch â plant@llyfrau.cymru
