Cefnogi’r diwydiant cyhoeddi yng Nghymru a hyrwyddo darllen er pleser yw cenhadaeth y Cyngor Llyfrau, ac mae’n prif amcanion a’n swyddogaethau craidd yn adlewyrchu hyn.
Mae’n Cyfansoddiad yn gosod yn glir amcanion y sefydliad, sef hybu, cefnogi a datblygu gwerthfawrogiad a diddordeb y cyhoedd mewn llenyddiaeth.
-
Cefnogi a chynorthwyo awduron ac addaswyr drwy roi grantiau a thrwy ddulliau eraill.
-
Cefnogi, hybu a chynorthwyo cynhyrchu a dosbarthu llyfrau a deunyddiaeth llenyddol ac artistig eraill, ym mha ffurf bynnag y’u cofnodwyd (boed trwy ddulliau sy’n hysbys neu trwy ddulliau sydd hyd yn hyn yn anhysbys), yn nwy iaith swyddogol Cymru, y Gymraeg a’r Saesneg, neu’n ymwneud â Chymru.
-
Trefnu a chynnal arddangosfeydd o’r cyfryw lyfrau a deunyddiau eraill.
-
Cefnogi a hybu cyhoeddi’r cyfryw lyfrau a deunyddiau eraill yng Nghymru.
Mae’r Cyfansoddiad yn sail i’n gwaith bob dydd a’r swyddogaethau craidd sy’n gwbl hanfodol er mwyn sicrhau ein bod yn cyflawni’n hamcanion.
- Hybu’r diwydiant cyhoeddi yng Nghymru yn ei holl agweddau trwy ddarparu rhychwant o wasanaethau a thrwy gydgysylltu buddiannau awduron, cyhoeddwyr, llyfrwerthwyr a llyfrgelloedd.
- Dosbarthu grantiau i gynorthwyo cyhoeddi deunydd o ansawdd yn y Gymraeg a’r Saesneg gan sicrhau bod y cynnyrch ar gael yn eang.
- Cynorthwyo a chefnogi awduron trwy ddarparu gwasanaethau a thrwy ddyfarnu grantiau/comisiynau a sianelir trwy gyhoeddwyr.
- Hybu diddordeb mewn llyfrau Cymraeg a llyfrau Saesneg o ddiddordeb i Gymru, ynghyd â deunydd cyffelyb arall, trwy ddarparu gwybodaeth a thrwy raglen lawn o weithgarwch.
