Diolch i nawdd gan National Book Tokens ac i lu o gyhoeddwyr a llyfrwerthwyr hyfryd, mae Diwrnod y Llyfr, mewn partneriaeth ag ysgolion a meithrinfeydd ledled y wlad, yn dosbarthu tocyn llyfr Diwrnod y Llyfr £1 i blant a phobl ifanc. Gellir cyfnewid y tocyn naill ai am un o lyfrau £1 Diwrnod y Llyfr neu ei ddefnyddio tuag at brynu llyfr arall.
Mae llyfrau £1 Diwrnod y Llyfr yn rhodd gan lyfrwerthwyr, sy’n ariannu cost y tocyn llyfrau £1 yn llawn.
Bydd tocynnau llyfr £1 Diwrnod Llyfr yn ddilys o ddydd Iau 13 Chwefror tan ddydd Sul 23 Mawrth 2025.
Cysylltwch â’ch llyfrwerthwr lleol i wirio a ydyn nhw’n gallu cynnig £1 oddi ar deitlau eraill. Mae’r telerau ac amodau llawn ar wefan elusen Diwrnod y Llyfr – https://www.worldbookday.com/terms-conditions/.
Mae’r llyfrau £1 hefyd ar gael mewn braille, print bras a sain trwy yr RNIB (Ffôn: 0303 123 999).
Gwyrdd Ein Byd gan Duncan Brown yw’r llyfr £1 Cymraeg newydd ar gyfer 2025 ac mae ar gael nawr drwy siopau llyfrau Cymru.
Mae taflen wybodaeth am y llyfr Gwyrdd ein Byd i’w gael YMA.
Os wyt ti wedi mwynhau Gwyrdd ein Byd – ac eisiau darllen mwy o lyfrau natur – dyma ddewis Duncan Brown i ti YMA.
Y llyfrau Cymraeg eraill sydd ar gael am £1 eleni yw Ha Ha Cnec! Jôcs Twp a Lluniau Twpach (Broga) gan yr awdur, darlunydd a chartwnydd Huw Aaron, a Darllen Gyda Cyw (Y Lolfa) gan Anni Llŷn.
Am fwy o wybodaeth am y teitlau Saesneg sydd ar gael eleni, ewch i –
https://www.worldbookday.com/books/
Mae manylion holl siopau llyfrau annibynnol Cymru i’w cael ar wefan y Cyngor Llyfrau.
