Gornest Lyfrau / Bookslam

Cystadleuaeth flynyddol  sydd yn annog darllenwyr ifanc Blynyddoedd 3–8 i ddarllen er pleser. Mae Gornest Lyfrau a Bookslam yn annog dysgwyr i drafod y llyfrau maen nhw’n eu darllen a pharatoi fideo creadigol, fel grŵp neu ddosbarth, yn seiliedig ar un o’r llyfrau sydd ar y rhestr ddarllen. 

Mae 5 categori a rhestr ddarllen ar gael ar gyfer:  

• Blynyddoedd 3 a 4 cyfrwng Cymraeg
• Blynyddoedd 5 a 6 cyfrwng Cymraeg
• Ysgolion trawsieithol Blynyddoedd 3-6 (ysgolion cyfrwng Saesneg yn bennaf ond gyda defnydd sylweddol o’r Gymraeg, ac ysgolion trosiannol)
• Blynyddoedd 7-8 cyfrwng Cymraeg
• Blynyddoedd 3 – 6 cyfrwng Saesneg (BookSlam)

Bydd angen i ysgolion ddewis un llyfr o’r rhestr i’w drafod ac un arall i’w gyflwyno fel hysbyseb. Cynhelir rownd sirol dan ofal y trefnwyr sirol, a bydd yr enillwyr sirol yn mynd ymlaen i’r rownd genedlaethol yn nhymor yr haf. 

Bydd yr ysgolion buddugol yn ennill tlws arbennig ynghyd ag un o’r gwobrau canlynol; 

• Gwobr 1af – gwerth £200 o lyfrau 

• 2ail wobr – gwerth £150 o lyfrau 

• 3ydd wobr – gwerth £100 o lyfrau 

Mae mwy o wybodaeth am y rowndiau sirol a chenedlaethol yn ein Pecyn Croeso, yn ogystal â Chanllaw a Phecyn Gweithgareddau sydd ar gael i ysgolion trwy gysylltu â ni’n uniongyrchol  plant@llyfrau.cymru  neu’r trefnwyr sirol. 

Manteision Allweddol

Mae’n her ddarllen hwyliog sy’n:

• annog plant i wirioni ar ddarllen a mwynhau llyfrau da
• meithrin agweddau cadarnhaol a hirdymor tuag at ddarllen
• cefnogi datblygiad llythrennedd emosiynol a meithrin sgiliau trafod, cyfathrebu a dadansoddi
• cyd-fynd â gofynion y Cwricwlwm trwy gynnig amrywiaeth o weithgareddau i unigolion a grwpiau ar draws y Meysydd Dysgu a Phrofiad
• hyrwyddo a chodi ymwybyddiaeth o lyfrau, awduron a darlunwyr
• dathlu safon eithriadol ym maes llenyddiaeth plant

Cofrestrwch i’r gystadleuaeth gornest lyfrau / Bookslam

Gall ysgolion gofrestru gyda’u trefnydd lleol neu yma erbyn 05 Rhagfyr 2025.

Os hoffech ragor o wybodaeth cysylltwch â plant@llyfrau.cymru