Dyma gasgliad o siath stori fer amrywiol a chywrain gan awduron newydd a phrofiadol yn cynnwys:
Fflur Dafydd
Sian Melangell Dafydd
Gareth Evans-Jones
Jon Gower
Lleucu Non
Lois Roberts
Francesca Sciarillo
Mae straeon Ar Amrantiad yn rhoi cip olwg gyfoethog ar yr hyn sy’n ein gwneud ni’n bobl.
Yn dilyn Cystadleuaeth Stori Fer Sebra i awduron newydd gwobrwywyd tair stori a’u cynnwys yn y gyfrol hon.
Adolygiad gan marged berry
Mawr yw f’edmygedd tuag at unrhyw un sy’n llwyddo i sgwennu stori fer dda. Mae’n her unigryw o ran cynildeb, a dawn yn sicr yw’r gallu, gyda chyn lleied o eiriau, i greu awyrgylch a chymeriadau â dyfnder iddynt.
Casgliad o saith stori fer sydd yma, a olygwyd gan Gareth Evans-Jones. Yn ogystal â stori gan y golygydd, mae tair stori gan awduron newydd – enillwyr cystadleuaeth y wasgnod Sebra, gyda’r dasg i sgwennu stori ar y themâu rhyddid a/neu hunaniaeth. Mae enwau adnabyddus y tri awdur arall – Jon Gower, Fflur Dafydd a Siân Melangell Dafydd – yn atgyfnerthu safon uchel yr ysgrifennu.
‘Cil y Drws’ gan Jon Gower yw’r stori agoriadol, un drawiadol tu hwnt am garcharor yng ngharchar Wakefield, ac am fywyd wedi ei ddinistrio. Mae’n stori ddwys o ran ei thema, ond un sy’n hardd ei harddull, a myfyriais amdani ymhell wedi i mi orffen ei darllen.
‘Y Phoenix’ gan Lois Roberts sy’n dilyn – stori deimladwy, yn llawn awyrgylch arbennig a gobaith.
Cefais fy nghyffwrdd i’r byw gan ‘Llychyn Dant y Llew’ gan Gareth Evans-Jones, stori am brofiad torcalonnus drwy lygad plentyn diniwed. Ymddengys y cymeriadau yn fregus a real dros ben, gyda chariad hefyd yn llifo drwy’r naratif.
Mi wnes i wir fwynhau ‘Plethu’ gan Francesca Sciarrillo – stori am genedlaethau o ferched, a’r pethau sy’n eu clymu at ei gilydd. Ceir archwiliad o sut beth yw peidio perthyn i le, a gorfod cyfuno dau fywyd er mwyn gosod gwreiddiau yn rhywle arall. Mae cymaint o galon i’r stori yma, yn cyfleu cariad at deulu, a hiraeth am hen wlad.
Roedd fy nghalon ar garlam yn darllen ‘Y Plant’ gan Fflur Dafydd – stori â theimlad hollol wahanol iddi. Mae hon yn ein denu i’w darllen o’r gair cyntaf, ac fe awn ar lwybr sy’n arwain at sefyllfa erchyll ac at banig tu hwnt i’r dychymyg, gan gyfleu cymaint am y cymeriadau mewn darn mor fyr.
Stori Lleucu Non, ‘Pwy Ydw I?’ sy’n dilyn – stori sydd ar yr wyneb yn ysgafn ond sy’n delio â themâu pwysig a pherthnasol. Ceir darlun sensitif o gymeriad sy’n ceisio bod yn driw iddo’i hun, a pha mor anodd gall hyn fod, hyd yn oed ymysg ffrindiau.
Mae dirgelwch a thyndra i’w cael yn stori olaf y gyfrol, ‘Totem y Tŷ Hyll’ gan Siân Melangell Dafydd, sydd rhywsut yn gysurlon ond yn gythryblus ar yr un pryd.
Er mor wahanol yw’r saith stori, mae themâu tebyg yn amlwg drwy’r gyfrol: teulu, atgofion, gwreiddiau, a hiraeth – y pethau syflaenol sy’n ein rhwymo at ein gilydd. Rhywsut mae bob stori yn gweddu i’w gilydd, a phob un yn haeddu ei lle yn y gyfrol. Pleser oedd gwibio drwyddynt; yng ngeiriau Gareth Evans-Jones, mae cyfoeth mewn cynildeb.
Sed ut perspiciatis unde omnis iste natus error sit voluptatem accusantium doloremque laudantium, totam rem aperiam, eaque ipsa quae ab illo inventore veritatis et quasi architecto beatae vitae dicta sunt explicabo. Nemo enim ipsam voluptatem quia voluptas sit aspernatur aut odit aut fugit, sed quia consequuntur magni dolores eos qui ratione voluptatem sequi nesciunt. Neque porro quisquam est, qui dolorem ipsum quia dolor sit amet, consectetur, adipisci velit, sed quia non numquam eius modi tempora incidunt ut labore et dolore magnam aliquam quaerat voluptatem. Ut enim ad minima veniam, quis nostrum exercitationem ullam corporis suscipit laboriosam, nisi ut aliquid ex ea commodi consequatur? Quis autem vel eum iure reprehenderit qui in ea voluptate velit esse quam nihil molestiae consequatur, vel illum qui dolorem eum fugiat quo voluptas nulla pariatur?
Rwy'n awdur. Oes modd i mi gael grant gan y Cyngor Llyfrau? Mae grantiau ar gael i awduron, ond trwy gyhoeddwr yn unig y gellir gwneud cais. Am wybodaeth am y Grantiau Cyhoeddi cliciwch ar ‘Grantiau’ uchod ac ewch i ‘Gwybodaeth i Awduron’....
Mae Cyngor Llyfrau Cymru yn falch iawn o gefnogi cystadleuaeth ysgrifennu stori i ddisgyblion ysgolion cynradd Cymru sy’n cael ei threfnu gan BBC Radio Cymru.
Fel rhan o ddigwyddiadau Diwrnod y Llyfr 2021, mae rhaglen foreol Aled Hughes yn galw ar blant rhwng 5-11 oed i ysgrifennu stori Cymraeg hyd at 500 gair ar thema “Y Llwybr Hud”.
Mae tri chategori ar gyfer oedrannau gwahanol, sef:
• Cyfnod Sylfaen, sef 5-7 oed
• Cyfnod allwedol 2a, 7-9 oed
• Cyfnod allweddol 2b, 9-11 oed
Bydd Aled yn cyhoeddi’r enillwyr ar ei raglen yn ystod yr wythnos sy’n arwain at Ddiwrnod y Llyfr ar 4 Mawrth 2021, gyda’r buddugwyr yn derbyn pentwr o lyfrau yn wobr gan y Cyngor Llyfrau.
Dywedodd Helen Jones, Pennaeth Adran Llyfrau Plant a Hyrwyddo Darllen y Cyngor Llyfrau: “Mae Diwrnod y Llyfr yn ddigwyddiad holl bwysig yn ein calendr blynyddol ac rydyn ni’n falch iawn i gefnogi’r gystadleuaeth yma sy’n cael ei threfnu gan BBC Radio Cymru. Mae gan bob unigolyn stori yn cuddio y tu mewn iddyn nhw a dyma gyfle gwych felly i ddechrau meithrin doniau ysgrifennu ymhlith y to ifanc.”
Llio Maddocks yw’r beirniad fydd yn pori drwy’r straeon ac yn dewis y dair stori orau.
Os am gystadlu, mae gofyn i ysgolion anfon straeon eu disgyblion at BBC Radio Cymru erbyn y dyddiad cau 25 Ionawr 2021, ynghyd â’r ffurflen gais sydd i’w chael ar wefan Radio Cymru.
Y cyfeiriad ar gyfer anfon y straeon yw:
Sgwennu Stori Aled Hughes
BBC Radio Cymru
Bryn Meirion
Bangor
LL57 2BY
Rhaid nodi’n glir ffugenw’r disgybl, y categori ac enw’r ysgol ar ben pob stori, a bydd angen i’r ysgol gadw rhestr o’r enwau sy’n cyd-fynd â’r ffugenwau.
Mae manylion pellach ynghyd â thermau ac amodau llawn i’w cael ar wefan BBC Radio Cymru neu gallwch chi gysylltu gyda rhaglen Aled Hughes ar aled@bbc.co.uk.
Rydym yn defnyddio cwcis ar ein gwefan i roi'r profiad mwyaf perthnasol drwy gofio eich dewisiadau a'ch ymweliadau. Drwy glicio "Derbyn Oll", rydych yn cytuno i'r defnydd o holl gwcis. Fodd bynnag, gallwch weld "Gosodiadau Cwcis" i roi dewis fwy reoledig.
We use cookies on our website to give you the most relevant experience by remembering your preferences and repeat visits. By clicking “Accept All”, you consent to the use of ALL the cookies. However, you may visit "Cookie Settings" to provide a controlled consent.
Mae'r wefan yma y ndefnyddio cwcis yn gwella eich profiad wrth lywio'r wefan. O'r rhain, mae'r rhai a ddynodir yn "angenrheidiol" yn cael eu storio yn eich porwr gwe gan eu bod yn hanfodol i'r ffordd mae'r wefan yn gweithio. Rydym hefyd yn defnyddio cwcis eraill i ddadansoddi sut mae ein ymwelwyr yn defnyddio ein gwefan. Caiff y cwcis yma eu storio yn eich porwr gwe gyda'ch bendith chi. Mae gennych yr opsiwn i wrthod y cwcis yma, ond gall eu gwrthod effeithio eich profiad o ddefnyddio'r wefan.
This website uses cookies to improve your experience while you navigate through the website. Out of these, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may affect your browsing experience.